UNHA PLANTACIÓN NO COLE

Fai unhas semanas, a mamá e o papá de Iria, Tere e Rober, viñeron ao colexio para levar a cabo unha super plantación.
Tiñan todo moi ben preparado: os testos, as sementes, as plantas, a terra...
Cada nena e cada neno, botou terra no seu testo e puxo a súa semente ou plantiña pequena.
Foi unha experiencia preciosa, xa que ademais de ver como vai medrando cada día, cada unha das nenas e nenos ten que facerse responsable da súa propia planta, coidala e amala para que creza.
Deixo unhas fotos de mostra.

   

SAÍDA AO CONTORNO PRÓXIMO: A RAMALLOSA

As nenas e nenos da clase de 4 anos pasamos unha xornada fantástica visitando co colexio o noso contorno máis próximo percorrendo unha parte do Camiño Portugués pola Costa.

Asimesmo, tamén aproveitamos para visitar algúns dos establecementos do noso contorno.

Na froitaría vimos as variadas froitas e verduras repasando cales tiñamos nós na horta

O peixeiro nos amosou uns animais asombrosos: O boi, a centola e o lubrigante. A profe Montse é unha valente non lle ten medo a semellantes criaturas mariñas!

Observamos plantas e pequenos animais e mascotas

Cruzamos a ponte romana da Ramallosa

E finalmente gozamos tranquilamente dunha merenda no parque da Ramallosa, no que ademais, tivemos a oportunidade de xogar, correr, saltar e liberar moitas enerxías!

ARTE EFÍMERA: A PRIMAVERA

Nesta ocasión, levamos a cabo unha proposta artística na que utilizamos materiais pouco convencionais na aula. Aproveitando os recursos que nos ofrece a natureza, as nenas e nenos da clase, fixeron a súa propia composición artística con cadros florais. 

Ademais, como son tan artistas, ofrecinlles a oportunidade de que expresaran o que fixeron nunha cartolina con témepera líquida. O resultado foi EXPECTACULAR.

CADROS FLORAIS: 

   
 

CADROS FLORAIS CON TÉMPERA LÍQUIDA

     

 

AS MATES ME RODEAN!: II PARTE

As nenas e nenos da clase seguen a descubrir que estamos rodeados de números!! Dende o principio de trimestre estamos a levar unha dinámica que consiste en medir (aproximadamente) a nosa estatura. Este feito, lles permite descubrir cantidades ás que non están afeitos e introducimos así, a centena. A partir da nosa medida desenvolvemos unha serie de tarefas e actividades.

Medimos a todos os nenos e nenas da clase.

                           

Como había algunhas dúbidas sobre quen era máis alto... utilizamos un nivel para resolver as dúbidas...

Para que non se nos olvide as nosas medidas anotamos nun mural o noso nome coa nosa medida. Foi unha experiencia enriquecedora y moi motivadora. Ademais de axudalos a descubrir o valor dos números no mundo real.

Unha aperta

SAÍDA AO MUSEO DE PONTEVEDRA

O pasado xoves 12 as nenas e nenos de 5º de EI foron de excursión ao Museo de Pontevedra. Para ir ven preparados realizamos unha serie de actividades previas que resultaron moi motivadoras e produtivas, xa que, traballamos unha morea de conceptos e habilidades.

En primeiro lugar, falamos do museo e lanzamos unha pregunta... "QUE NOS IMOS ATOPAR NO MUSEO DE PONTEVEDRA?" Cada un lanzou a súa hipótese. Estas ideas foron rexistradas e anotadas individualmente nun papel:

• Cadros
• Pinturas
• Baleas
• Dinosaurios
• Esqueletes
• Esqueletes de mamut
• Dinosaurios
• Velocirraptores
• Peixiños nunha peceira

Estas ideas son rexistradas nun cadro de dobre entrada, no que posteior á saída, anotaremos si se confirma a hipótese ou non.

Outra das actividades que levamos a cabo, previo á saída, foi o traballo con google maps na PDI. Analizamos o traxecto dende o cole ata o Museo de Pontevedra, facendo fincapé en tres puntos que foron: Colexio de Belesar, Ponte de Rande e Museo de Pontevedra. A través do satélite observamos estes tres puntos dende o aire. O que máis lles chamou a atención foi ver o patio do colexio dende unha perspectiva tan diferente, e a Ponte de Rande, así como as bateas que están preto.

Os puntos de cores sobre o mapa son as bateas vistas dende o aire

O día da excursión foi moi emocionante xa que tivemos a oportunidade de comprobar in situ todo o que traballamos na clase: pasamos por rande, vimos de preto as bateas, comprobamos que cousas había no Museo de Pontevedra, e disfrutamos coas actividades que nos propuxo Alejandra (a nosa guía).

Alejandra nos explica as normas do museo

O primeiro cadro que observamos foi este:

Azul sobre azul, nº 27 de Luis Caruncho

O grupo, por equipos, fixo a súa propia composición artística

          

Outros cadros que nos explicou Alejandra foron:

"Acordeón" de Luís Caruncho

"Composición (obxectos no espazo)" de Arturo Souto.

"Máscaras africanas" de Arturo Souto.

"Vendedor ambulante en Bos Aires" de Leopoldo Nóvoa.

Tamén nos propuxo facer un puzzle, que cando rematamos... Sorpresa! Era outro cadro de Leopoldo Nóvoa: "Paisaxe mariñeira"

                                             

E para rematar... unha foto das fermosas vistas de Pontevedra.

Ao día seguinte tivemos moito traballo. Por un lado, verificar as hipótesis emitidas sobre o que nos íamos atopar no Museo de Pontevedra, así como, rexistrar os resultados no cadro de dobre entrada. E tamén revisamos as composicións que fixeron no primeiro cadro, e que, agora temos expostas na aula co título que eles mesmos lle puxeron.